ფიქრია თამლიანი

ამ ქალბატონისთვის პროფესია მხოლოდ საქმიანობა არ არის — ეს მისი ცხოვრების გზა, პასუხისმგებლობა და მადლიანი მისიაა .

სხვა არჩევანი ფიქრშიც კი არ გაუვლია, რადგან თვლის, რომ ეს მისი უცილო წილია და ამ გზას ღირსებით მიუყვება..

მისთვის ყველაზე დიდი ჯილდო მოსწავლეების სიყვარულით ანთებული თვალებია .

სწორედ ამ თვალებში ხედავს ნდობას, ინტერესსა და იმედს, რომელიც ყოველდღიურად აძლიერებს.

სჯერა, რომ განათლება სიყვარულსა და ადამიანობაზე დგას .

მისი ყოველი გაკვეთილი არა მხოლოდ ცოდნის გადაცემა, არამედ მოსმენა, თანადგომა და ღირებულებების, რწმენის გაზიარებაა.

თუ შეძლებს, რომ აღსაზრდელებში სიკეთის, მადლიერებისა და პასუხისმგებლობის ერთი პატარა მარცვალი დათესოს, დარწმუნებით იტყვის — მიცხოვრია .

მისთვის სკოლა მხოლოდ შენობა არ არის — ეს მეორე სახლია, სადაც ყოველდღე სითბოსა და რწმენას ანაწილებს, თავადაც იზრდება და სიყვარულით ძლიერდება .

ფიქრია თამლიანი – ქ.თბილისის 47-ე საჯარო სკოლის, ქართული ენისა და ლიტერატურის ღვაწლმოსილი მასწავლებელი.